Хрватскиот музичар и виолончелист Стјепан Хаусер, член на познатото дуо „Ту челос“, деновиве е на турнеја во Америка, каде изминативе денови на еден од неговите настапи гостувала славната пејачка Селин Дион.
Светски познатата дива веќе две години не се појавува толку често во јавноста, бидејќи боледува од тешка невролошка болест позната како синдром на вкочанета личност.
View this post on Instagram
Вистинска привилегија е да се види Селин во јавноста, а кога се појавила на настапот на Хаусер настанал вистински хаос. Хрватскиот музичар многу добро знаел како да ѝ угоди на својата важна гостинка, па специјално за неа отсвирал обработка од насловната песна „My Heart Will Go On“ од филмот „Титаник“ која ја пее токму Селин.
Преплавена од емоции, таа седела до самиот крај, целосно занесена во настапот на сцената. По завршувањето на песната, Селин станала со остатокот од публиката и одушевено му аплаудирала на Хаусер.
View this post on Instagram
Таа се заблагодарила и кимнала со главата во знак на почит кон присутните на концертот. Покрај тоа, Селин им испратила и неколку бакнежи заедно со слатки зборови на благодарност.
Балканскиот шармер се обидел да ја убеди да му се придружи на сцената, но таа учтиво го одбила и му дала знак со раката дека треба набрзо да разговараат.
– Ви благодарам што сте тука, за нас е голема чест. Уживајте во остатокот од шоуто – ѝ рекол потоа Хаусер на Селин Дион.
Двајцата имале можност официјално да се сретнат и да разговараат по концертот зад сцената. Селин тогаш не го криела воодушевувањето од неговата работа и дело, а била направена и заедничка фотографија.
„Долго го чекав овој момент! Ви благодарам што дојдовте со вашето семејство на мојот концерт во Вегас, ми беше чест!“, стои во описот на нивната заедничка фотографија на социјалната мрежа Инстаграм.
View this post on Instagram
