Раперот Драгомир Депсиќ Десингерица привлекува големо внимание поради своите контроверзни изјави, а секој негов чекор е следен под будното око на јавноста.
Во интервју за порталот „24 Седам“, Десингерица откри дека сонува да направи свој филм. Покрај тоа, тој сподели со која од двете популарни пејачки – Јелена Карлеуша или Цеца Ражнатовиќ, би сакал да направи песна.
Тој изјавил дека планира да снима и филм: „Планирам и десетминутен филм, за да оди на фестивал во Кан, а потоа ќе снимам нешто навистина јако“.
На новинарското прашење: Дали би се согласиле да глумите во филм доколку добиете понуда? тој одговорил:
– Зависи од тоа за каков филм станува збор. Би глумел во нешто интересно (се смее). Не би сакал комедија, повеќе би сакал некои „гасерски“ работи.
Дали повеќе би сакал да направиш песна со Јелена Карлеуша или Цеца Ражнатовиќ?
– Би работел со сите, музиката ги зближува луѓето. Музиката не е војна, ниту политика.
Кое од двете ти се допаѓа повеќе?
– Ја познавам Цеца, но не и Јелена. Јас навистина ја сакам и ја почитувам Цеца и се познаваме лично. Никогаш не сум имал никаков контакт со Јелена, ниту физички ниту психички. Но, немам ништо против неа.
