По 15 години песната „Од утро до мрак“ на ДНК и Магдалена Цветкоска-Ена си доби нова верзија. Новиот призвук со брз и модерен ритам е ремикс којшто ќе се вклопи одлично помеѓу помладата публика за оваа песна да продолжи да живее и меѓу следните генерации.
Преработката е дело на DJ TOSHEVV, заедно со DJ Monarch, DJ Gokshata и DJ Naste.
Прво да се постетиме на видеозаписот и оригиналната верзија на песната која и денес се врти на радиостаниците.
Оригиналната верзија е објавена во 2011 година – музиката и аранжманот се дело на Лазар Цветкоски, додека текстот е на Ена и Панчо.
Ова е уште една стара поп македонска песна што добива своја преработка. Периодов многу музички ѕвезди направија таков чекор со цел квалитетната музика да го најде своето место и на современата сцена.
Еден емотивен момент ќе остане запаметен, а тоа е кога Ена ја испеа „Од утро до мрак“ со ДНК и на нивниот голем концерт по повод 20 години од постоењето на дуото во Арената „Борис Трајковски“ во 2022 година. Таа ретко се појавува во јавноста, но овој исклучок го направи за своите драги колеги и пријатели од ДНК.
Како ви се допаѓа новата верзија?
