Младата музичка ѕвезда Анастасија Ражнатовиќ е среќна во брак со фудбалерот Немања Гудељ.
Анастасија често на социјалните мрежи споделува моменти од приватниот живот, а сега покажа како таа и Немања го поминуваат времето.
Се возеле на електричен тротинет, а Анастасија го снимила Немања како ја гушка и бакнува за време на вечерното возење.
Да потсетиме, Анастасија и Немања се венчаа во јули минатата година во манастирот Рајиновац. Анастасија на црковната венчавка блесна во бел фустан, а кума ѝ беше долгогодишната пријателка и актерка Тара Милутиновиќ.
Двојката живее во Шпанија, а Анастасија еднаш раскажа како морала да го научи нивниот јазик поради живеењето во Севиља:
– Во Севиља бев принудена да зборувам на шпански бидејќи никој не зборува англиски. Не ми беше тешко да учам, имав претходно знаење од теленовели. Најмногу ми недостига мајка ми, ние две сме многу блиски. Ние сме како најдобри пријатели и сѐ што ми се случува јас прво неа ѝ кажувам. Нон-стоп сме на видео повик.
