Исто како и нашите музички ѕвезди, така и српските почнаа да ги откажуваат своите настапи и концерти.
Светлана Цеца Ражнатовиќ, Аца Лукас, Лепа Брена, Весна Змијанац, Здравко Чолиќ, се само некои од пејачите кои поради коронавирусот мораа да ги откажат своите настапи и со тоа да останат со „празни џебови“.
Цеца викендов требаше да настапи на Копаоник, а следниот викенд во Германија со Саша Матиќ.
Поради откажаните настапи пејачката изгубила 100.000 евра.
Ист е случајот и со Аца Лукас. Тој до крајот на месецот имал договорено три настапи. Два веќе откажал, а и третиот е под прашалник.
Чолиќ имал само еден концерт, па е во загуба од 50.000 евра.
Весна Змијанац е принудена да ги помести двата концерта за мај.
И Лепа Брена е внимателна.
„Треба да се придржуваме до советите на докторите. Следете ги информациите и водете сметка за превенција. Не треба да се паничи, но дека ситуацијата е алармантна, алармантна е. Мене здравјето на моето семејство ми е поважно, како и здравјето на целата нација. Сè откажав за март и го чекам понатамошниот развој на ситуацијата“, порачува Брена.
