Деновиве се пишува за ѕвездата на Тв серијата од 90-те години „Беверли Хилс“, Тори Спелинг, која беше „уловена“ како со петте деца излегува од мотел. Според американските таблоиди, по разводот, наследените милијарди од славниот татко, Тори ги „фрлила“ во ветар, па сега мора да преноќува во мотел кој е на автопатот кон Лос Анџелес.
Сепак, Тори не е единствено дете на богаташ со ваква тажна судбина. Ова се славните деца кои преку ноќ го „изедоа“ богатството на родителите.
EXCLUSIVE: Tori Spelling is seen staying at $100-a-night MOTEL with her five kids https://t.co/ltY8Y94kWx pic.twitter.com/RFLkwpKhOC
— Daily Mail Online (@MailOnline) July 10, 2023
Не е лесно да се сочува богатство наследено од славни родители, зашто не секој има талент да го продолжи и развие бизнисот. Полесно е да се прогласи банкрот отколку да се признае антиталентот.
Историјата знае многу примери на наследници кои успеале успешно да ја продолжат работата на своите родители. Бројни жени вклучени во листата на Форбс за 2023 година наследиле бизнис и достоинствено управуваат со него, воведуваат нови технологии, го зголемуваат профитот на компанијата и го зголемуваат својот капитал. Сепак, се случува и децата на богатите родители да загубат сè што успеало да создаде нивното семејство.
Неспособни богаташи
Семејниот бизнис Гучи, еден од најголемите модни брендови во Италија, наиде на проблеми по смртта на основачот Гучио Гучи во 1953 година. Несогласувањата меѓу наследниците се однесуваа на поделбата на имотот и судските спорови. Повеќе од половина од акциите му припаднаа на најстариот син Алдо, чие семејство подоцна западна во замката на офшор измами. На крајот, наследникот заврши во затвор. Кога наследникот Маурицио ја презеде функцијата во 1980-те, семејниот бизнис наиде на финансиски и оперативни тешкотии. Така, за време на постоењето на Гучи, секој член на кланот Гучи се обидуваше да добие подобро место во претпријатието. Компанијата немаше јасна стратегија за развој и управување; на крајот, Маурицио, кој во тоа време должеше околу 40 милиони долари на различни банки, го продаде својот удел. Оттогаш, никој од семејството Гучи на кој било начин не беше поврзан со раководството на познатата модна куќа, која нивниот предок ја основал во далечната 1921 година, а која денес има светска слава.
Наследник на 11 годишна возраст
Хантингтон Хартфорд II, син на основачот на синџирот супермаркети за малопродажба A&P (еден од најстарите во светот), израснал во богато семејство, што му овозможило да го добие вниманието на другите кои биле подготвени да го исполнат секој негов каприц. До 1940 година, семејството Хартфорд се сметало за едно од најбогатите и најуспешни во Америка. Кога момчето имало 11 години, неговиот татко починал, а тој станал наследник на богатство од 1,3 милијарди долари, според Њујорк Тајмс. Се школувал на Харвард, но напразно. Набргу го стекнал имиџот на расипнички менаџер, секоја инвестиција која ја правел била погрешна. Не бил успешен ни на личен план, сите негови бракови завршиле со скапи разводи. Така, на крајот прогласил банкрот, фирмата ја ставил во стечај и во 1992 година се преселил на Бахамите, каде што живеел уште 16 години. Бизнисменот почина во 2008 година на 97-годишна возраст.
Однапред потрошени пари
Тори Спелинг е американска актерка најпозната по нејзината улога во серијата „Беверли Хилс, 90210“. Инаку, серијата ја продуцираше нејзиниот татко, медиумскиот магнат Арон Спелинг. Од него, таа очекуваше да наследи импресивен капитал, но уште пред да го земе во рака, однапред го потроши на лускузен живот. По смртта на татко ѝ, богатството кое се проценува на 500 милиони долари припадна на нејзината мајка. Кенди Спелинг, со која актерката се скарала токму поради наследството, според законот, сама располага со наследените пари, давајќи им на ќерката и синот по 800 илјади долари годишно. Сепак, неодамна Кенди Спелинг објави дека Тори е сосема банкротирана и дека таа е принудена да ѝ ги плати трошоците за кирија на ќерка си. Последните гласини се дека и Кенди ги потрошила парите на луксузен живот, па веројатно веќе е во банкрот.
View this post on Instagram
Тажен крај на нафтениот магнат
Клинт Марчисон Џуниор беше син на американскиот богаташ Клинт Марчисон, истакнат нафтен магнат и политичар од Тексас. Тој наследил богатство од 200 милиони долари во 1969 година по смртта на неговиот татко. Се обидел да инвестира во различни области – од недвижен имот до енергетската индустрија, но сите негови инвестиции се покажаа како неуспешни, освен фудбалскиот клуб „Далас Каубојс“ основан во 1960 година поради огромната љубов кон фудбалот. Сепак, во 1980-те, со падот на цената на нафтата, Клинт се најде во огромни долгови. Единствениот начин да се ослободи од долгови беше да прогласи банкрот. Без пари, тој почина во 1987 година, врзан за инвалидска количка.
