Српската пејачка Тања Савиќ ги сподели со јавноста деталите од разговорот со Саша Поповиќ, креативниот директор на продукцијата „Гранд“, кој последните месеци има здравствени проблеми.
Како што вели, Поповиќ на нивниот последен разговор бил позитивно расположен и полн со оптимизам.
– Разговарав со него пред нешто помалку од еден месец и тогаш беше добро. Навистина му посакувам брзо закрепнување и морам да забележам дека е голем оптимист за се, и верувам дека ништо нема да го смени – изјавила Тања за „Информер“.
Да потсетиме, Тања Савиќ гостуваше во емисијата „Премиер, викенд специјал“, каде зборуваше за љубовта, за своето момче и за претстојниот концерт во белградска Арена. Она што не го очекуваше е ненадеен телефонски повик од водителката Јована Јеремиќ, која реши да се приклучи на програмата и да ја изненади пејачката.
