Кралицата Елизабета беше специфична по многу од своите обичаи и навики, па дури и кога е модниот стил во прашање, а има многу легендарни приказни за нејзиниот избор на облека, како на пример причината зошто секогаш носеше светли бои
Кога го прослави својот 90-ти роденден во 2016 година, кралицата носеше комплет со неонско зелена боја. Тогаш беше откриено дека поентата на впечатливите бои е кралицата да се истакне и да биде препознатлива во толпата, на тој начин секој од нејзините поданици ќе може да ја види без разлика колку е далеку од неа.
Носејќи забележлива облека, кралицата симболично му порачуваше на секој граѓанин во својата земја дека е тука за него и дека тој може да ја види.
View this post on Instagram
– Мора да ме видат за да веруваат во мене – рекла Елизабета Втора.
Одредени парчиња облека и додатоци биле задолжителни при секое нејзино појавување.
Сепак, бисерите немале никаква врска со престижот на британскиот двор, но кралицата никогаш не излегувала без нив. Зад бисерите стои приказната за семејната традиција.
– Бисерите се традиционален накит за кралиците во Британија повеќе од илјада години – никогаш не постоела кралица што не носела бисери. Во минатото бисерите ги сметале за ретки, убави, сјајни и колку повеќе ги носите, толку стануваат посјајни – објаснила Лесли Филд, која ја напишала книгата „The Queen’s Jewels“.
