Реакциите на втората полуфинална вечер од Евровизија кој се одржа во четврток во Базел, не стигнуваат. Српскиот претставник, Принцот од Врање, не успеа да се квалификува во финалето.
Српските медиуми опширно го коментираа исходот од натпреварот. „Блиц“ пишува дека последниот пат кога Србија не стигнала до финалето било пред осум години, а резултатот од оваа година се нарекува „целосен потоп од земјите од поранешна Југославија“ со оглед на тоа што, заедно со Србија, од натпреварувањето испаднаа и Црна Гора и Хрватска.
Второто полуфинале на Евровизија 2025 заврши и официјално се познати сите финалисти.
Ова е четврти пат како не успеаја да стигнат до финалната вечер. Првпат испаднаа во 2009 година кога Марко Кон се натпреваруваше со песната „Ципела“. Потоа, „Моје три“ не обезбедија пласман 2013 година со песната „Љубав је свуда“, во 2017 година, Тијана Богиќевиќ исто така не стигна до финалето, со песната „In too deep“.
Од втората полуфинална вечер во финалето се пласираа Литванија, Ерменија, Грција, Латвија, Израел, Малта, Финска, Данска, Австрија и Луксембург. Претходно, во финалето во првата полуфинална вечер се квалификуваа Шведска, Полска, Албанија, Исланд, Сан Марино, Естонија, Португалија, Норвешка, Холандија и Украина.
Ова се земјите кои ќе се натпреваруваат на финалната вечер на Евровизија на 17 мај: Литванија, Израел, Ерменија, Данска, Австрија, Луксембург, Финска, Латвија, Малта, Грција, Норвешка, Албанија, Шведска, Исланд, Холандија, Полска, Сан Марино, Естонија, Португалија, Украина.
Покрај гореспоменатите натпреварувачи, во финалето е и голема петорка: Франција, Италија, Велика Британија, Германија, Шпанија, како и претставникот на земјата домаќин – Швајцарија.
