Српскиот пејач Дарко Лазиќ и неговата сопруга Катарина Лазиќ пред неколку месеци направија гала венчавка, која наводно чинела милион евра, а на неа присуствуваше половина од забавната индустрија во Србија.
Сега, Катарина Лазиќ во интервју за „Ред“ откри кој е омилениот подарок што го добиле на свадбата и што ја изненадило од гостите.
– Најубавиот подарок беше една слика од нас, која беше рачно насликана, а најнеобичното, верувале или не, беше празен плик. Ги поздравувам оние кои ни донесоа празни пликови, бев многу изненадена – изјавила Катарина.
Да потсетиме, српскиот пејач Дарко Лазиќ и неговата избраничка го изговорија судбоносното „да“ во црквата „Св. Архангели Михаил и Гаврил“ во селото Брестач. По црковната венчавка, свадбената прослава продолжила во еден ресторан во Печинци, каде биле поканети повеќе од 500 гости.
