Гога Секулиќ пред неколку дена ја удри автомобил на пешачки премин во Белград. Пејачката по несреќата се огласи на социјалните мрежи каде изјави дека за среќа се спасила со полесни повреди.
Српските медиуми за првпат по разводот ги „фатија“ заедно, недалеку од станот на Гога. Пејачката пешачела и разговарала во друштво на бившиот сопруг, а потоа заедно влегле во автомобилот на пејачката и се упатиле кон центарот на градот.
Урош веднаш откако дознал за несреќата заминал во Белград да биде со Гога. Пејачката се чувствува добро по редовните прегледи, но сè уште се опоравува од траумата.
Да потсетиме, Гога пред две години се разведе од сопругот Урош Домановиќ, но поради детето остана во пријателски односи. Тие двајца секојдневно комуницираат, а често се гледаат кога Гога со синот оди во странство.
