Момчило Бајагиќ Бајага и членовите на неговиот бенд му посветија некролог на Бора Ѓорѓевиќ во кој со емотивни зборови му се обрати на легендарниот музичар.
Бора Ѓорѓевиќ, познат и како Бора Чорба, почина во болница во Љубљана по петнаесетдневна борба за живот.
Многу јавни личности се простија од Бора, а музичарот Момчило Бајагиќ Бајага, кој своевремено соработуваше со Ѓорѓевиќ, во дневен весник му посвети некролог со неговиот бенд.
„На 4.9.2024 нè напушти нашиот сакан Борисав Ѓорѓевиќ, поет и рок мајстор… Драг наш Боро! Ти благодариме што беше дел од нашите животи, како пријател и деловен соработник. Секогаш ќе бидеш во нашите срца и сеќавања. Те сакаат: Бајага, Жика, Локнер, Гане, Киќо, Сале, Кузма, Чукиќ и Зеко“, пишува во некрологот.
Да потсетиме, Бора ќе биде погребан утре, 7 септември, на Централните гробишта во Чачак, погребот ќе биде во 14 часот и 30 минути, а опелото ќе започне во 14:00 часот.
