Сликата од 1944 година од германскиот сликар Џорџ Грос, на која нацистичкиот лидер Адолф Хитлер е прикажан како библиската личност Каин, денес е изложена во Историскиот музеј во Берлин, како дел од новите постојани изложени дела.
Сликата „Каин или Хитлер во пеколот“ го прикажува очајниот Хитлер како седи помеѓу костури додека позади него беснее војната, а самиот уметник за своето дело рекол дека го прикажува „Хитлер како фашистичко чудовиште или ѕвер на апокалипсата“.
1943 #WW2 George Grosz. "Cain, or, #Hitler in Hell". 1944 pic.twitter.com/umuLxSDTnk
— Historrror (@3rdReichStudies) July 26, 2015
Сликата, која музејот ја откупил од наследникот на Грос, ќе биде изложена постојано во музејот.
Грос се смета за најважниот уметник кој се занимавал со политички теми за време на постоењето на Германскиот Рајх, односно во периодот помеѓу Првата светска војна и растењето на нацистичката моќ во 1933 година.
Грос емигрирал во САД во 1933 година, а нацистите неговите дела ги сметале за „дегенерисана уметност“ и ги уништувале.
