Славната актерка Ема Томпсон, заедно со својот сопруг, Грег Вајз, ја напуштија Велика Британија и се преселија во Венеција, пренесува таблоидот „Сан“.
За актерката ова е „исполнување на сонот“, а таа и сопругот Вајз уште пред една година купија куќа во овој град, кој сега и официјално стана нивен нов дом.
Пред италијанските медиуми, Ема Томпсон и Грег Вајз потпишаа документација со која и официјално станаа почесни граѓани на Венеција.
– Ова е остварување на сонот кој со години го имав – изјави Ема, зборувајќи течен италијански јазик.
Парот формално ги задржа британските пасоши, но статусот кој го имаат сега како жители на Венеција им дава можаност да ги остварат правата за здравствена заштита и вработување.
