– Како што најавивме и во следните денови времето во Македонија ќе биде променливо облачно и НЕВООБИЧАЕНО СТУДЕНО за овој период од годината со повремени врнежи претежно од снег, со што снежната покривка и понатаму ќе се зголемува. Од среда ќе дува и умерен до засилен ветер од северен правец. Што се однесува до температурите, тие ќе бидат ЗНАЧИТЕЛНО ПОД ПРОСЕКОТ за овој период од годината и минималните ќе се спуштаат во интервалот од -6 до 0 степени, додека максималните ќе се искачуваат во интервалот од 1 до 7 степени – вели нашиот метео прогнозер Славчо Попоски.
Според Попоски, од средината на неделата ќе биде УШТЕ ПОСТУДЕНО и минималните температури понекаде ќе се спуштаат дури до -10 степени, на планинските места и под -10 степени. Максималните дневни пак ќе се искачуваат во интервалот од -4 до 6 степени. И во Скопскиот регион во следните денови времето ќе биде променливо облачно со услови за повремени врнежи петеќно од снег. Од среда ќе дува и умерен до засилен ветер од северен правец. Температурите ќе бидат се пониски и во текот на на неделата минималните ќе се спуштаат во интервалот од -7 до 0 степени, додека максималните ќе се искачуваат во интервалот од 1 до 5 степени.
