– Како што најавивме, во текот на следните денови времето ќе биде претежно стабилно и суво со пораст на максималните температури на воздухот кој ќе се искачуваат во интервалот од 5 до 13 степени. Сепак наутро ќе биде студено и минималните температури понекаде се очекува да се спуштат до околу -10 степени. Исклучок ќе биде ноќта сабота кон недела, како и понеделник попладне и навечер кога ќе има повеќе облачност и локални врнежи од дожд и од снег – вели нашиот метео прогнозер Славчо Попоски.
И во Скопскиот регион во следните денови времето ќе биде претежно стабилно, суво и сончево со мала до умерена облачност. Исклучлок ќе биде ноќта сабота кон недела, и особено понеделник попладне и навечер кога ќе има врнежи од дожд и од снег. Наутро температурите ќе се спуштаат во интервалот од -4 до 1 степен, додека максималните ќе бележат тенденција на пораст и ќе се искачуваат во интервалот од 8 до 10 степени.
