Врховниот суд има намера да гласа за укинување на законот од 1973 година со кој се гарантира правото на абортус во САД.
Ова го откри „Политико“ кој добил ексклузивен нацрт напишан од судијата Самуел Алито за мислењето на мнозинството.
Документот е „целосно и цврсто“ отфрлање на историската пресуда на Ро против Вејд. „Ние веруваме дека „Ро и Кејси“ треба да се укине“, се вели во нацрт-мислењето на Судот. „Време е да се слуша Уставот и да се врати прашањето за абортусот на избраните претставници на народот“, пишува во документот.
Нацртот е изготвен во февруари, велат упатени извори за „Политико“. Четворицата судии номинирани од републиканците – Кларенс Томас, Нил Горсух, Брет Кавано и Ејми Кони Барет – гласаа заедно со Алито, назначен од претседателот на Gran Old Party, Џорџ В. Буш, во 2005 година, за укинување на правото на абортус. Тројцата демократски судии Стивен Брејер, Соња Сотомајор и Елена Каган работат на контра-нацрт, рекоа извори. Не е јасно на која страна ќе застане претседателот на Врховниот суд Џон Робертс, исто така назначен од Буш во 2006 година.
