Лепа Брена важи за една од најголемите југословенски ѕвезди, а кога се омажи за поранешниот тенисер Слободан Боба Живојиновиќ, тие станаа еден од најпопуларните парови во регионот.
Пејачката секогаш се трудеше да го сокрие својот приватен живот далеку од љубопитните очи на јавноста, па сите останаа шокирани од тврдењето на познатиот музичар Драган Антонијевиќ Арлекин дека некогаш ѝ бил љубовник на Брена.
Драган е музичка ѕвезда која ја воодушевуваше локалната јавност во 80-тите години, а по затишјето во кариерата избра да направи големо враќање со книгата посветена на Лепа Брена. Како што тврдеше овој музичар во 1993 година, тој и Брена биле лудо вљубени.
„Ја запознав Брена во студиото на покојниот Рака и веднаш ми се допадна. Со текот на времето и таа се заљуби во мене, но јас тогаш имав девојка која подоцна ја оставив затоа што не сакав да ја изневерам. Моите чувства за Брена беа посилни. Поради снимањата јас и Брена често се гледавме, еднаш дури и кога бевме во станот на Марина и Фута се обиде да ме бакне, но јас ја оттурнав бидејќи се плашев дека брзо ќе ѝ здодеам. Брена се обидуваше да биде со мене, зборуваше и со мајка ми, ѝ се жалеше и на Марина, но јас сепак се правев глупав. Во 1990 година почнаа турнеите на Брена, па помалку се гледавме, но секогаш се слушавме“, рече музичарот и додаде:
„Мислам дека нашата љубов не успеа најмногу поради Марина и Фута. Некое време ѝ бев како жиголо затоа што ја гледаше привлечноста во мене и беше свесна дека не може да помине низ животот со мене, бидејќи јас бев музичар во подем, а таа е голема ѕвезда. Кога се омажи за Боба, објавив книга за нас и нашата несудена љубов. Брена беше воодушевена, но не и Боба. Тој го испрати покојниот Шљука да ме претепа, а потоа побара да ги купи сите книги за да не излезат во јавност“.
