Јужна Кореја лансираше три „прецизни ракети воздух-земја“ во водите северно од меѓукорејската поморска граница, како одговор на ракетните лансирања извршени денеска од Пјонгјанг кон Јапонското Море. Ова го соопшти војската на Сеул.
Пјонгјанг лансираше вкупно десет проектили, од кои едниот падна на само 57 километри од јужнокорејскиот град Сеокчо на источниот брег на Јужна Кореја.
Претседателот на Јужна Кореја, Јун Сук-Јол, реагираше велејќи дека го смета лансирањето на проектилите за „територијална инвазија“.
Северна Кореја соопшти дека нејзините неодамнешни тестови на оружје имале за цел да издадат „предупредување“ до Вашингтон и Сеул за нивната серија заеднички воени вежби за кои тие сметаат дека се доказ за инвазија.
Во изјавата Пак Јонг Чон, секретар на владејачката Работничка партија, кој се смета за близок и доверлив на лидерот Ким Џонг Ун, ги нарече вежбите „агресивни и провокативни“.
„Ако САД и Јужна Кореја се обидат да ја искористат војската против нас, специјалните средства на нашите вооружени сили ќе ја извршат својата стратешка мисија без одлагање“, рече Пак, очигледно повикувајќи се на нуклеарното оружје на неговата земја.
#SouthKorea‘s military says it has fired three air-to-ground #missiles towards north of its maritime border with #NorthKorea in response to the North’s firing of at least 10 missiles earlier in the day.https://t.co/1krSihWhMp
— Al Arabiya English (@AlArabiya_Eng) November 2, 2022
„САД и Јужна Кореја ќе треба да ја платат најстрашната цена во историјата“, рече тој.
Американските и јужнокорејските власти цврсто изјавија дека нивните вежби имаат одбранбен карактер и дека немаат намера да ја нападнат Северна Кореја.
