Северина Вучковиќ успеа да ја смени одлуката на Вишиот суд во Загреб и да го смени старателството над нејзиниот син, кое првично му припаѓаше на таткото Милан Поповиќ, во заедничко старателство, а сега момчето половина од времето ќе го поминува со неа, а остатокот со неговиот татко.
Борбата на пејачката овој пат траеше 28 дена, а таа сега се огласи и им се заблагодари на сите кои и дадоа поддршка:
– Јас сум како вас. Животот ме научи дека љубовта се враќа со љубов. Така беше и во изминатите четири недели (од пресуда до пресуда). Затоа, им благодарам на сите за неверојатните 28 дена љубов и поддршка со кои ме опсипавте. Вие ме нахранивте со силата што ја насочив кон мојот син. Но и кон тоа да им помогнам на другите. Различните. Секој што почувствувал тага знае како е да се живее со тага. За жал, јас сум една од тие и затоа ве разбирам сите. Единствената помош што можеме да си ја пружиме е поддршката! На секој човек на кој му е направена неправда, на кој се гледа различно, на кој нема заштита. Јавно, сега и веднаш. За да бидеме добро општество, добра земја – сите граѓани мора да бидат еднакви, еднакви пред законот, но пред сѐ еднакви во срцето.
Кампањата на која сум исклучително горда и што ја снимив пред две недели, кога ми беше навистина тешко, излегува утре. Но знаев дека морам. Тоа е кампања посветена на луѓе кои не се гледаат како „нормални“, на „болни луѓе во општеството“, кои едвај се прифатени од околината, а се исти како нас. А единствените „болни на нашето општество“ се оние кои јавно осудуваат „поинаку“, кои би им ги одзеле правата, еднаквоста… – напишала пејачката.
