Српската пејачка Маја Николиќ доживеала неочекувана непријатност во еден клуб кога покрупен млад човек од публиката ѝ ја уништил чизмата среде нејзиниот настап.
Имено, среде настапот, едно момче сакало да ја запроси својата девојка, но случајно ја повредил пејачката.
„Пред неполн месец, ми се случи момче да запроси девојка на мој концерт, но тој ми ја згази кадифената чизмичка. Само реков ‘Човече’. Тоа многу ме болеше, бидејќи беше малку поголем“, истакна Маја за „Гранд“ и додаде: „Кога видов дека ја проси, дека ја отвори кадифената кутија, си реков ‘супер’. Инаку, мислам дека беше од некој дел од внатрешноста, затоа што ми рече: ‘Во нашиве краишта значи кога ќе те згазнам, ти си следен’“.
Маја објаснила и дека има неподносливи болки, но на крајот наздравила со идните младенци откако девојката кажала „да“.
„Ми ја повреди ногата. Типот беше тежок, голем, буцко… Тогаш си порачав ‘Просеко’ за себе и за нив. Наздравивме и му реков ‘Само ти да си жив и здрав’. Ќе купам нови чизми, не беше проблем, но ме болеше стапалото“, изјави Маја.
Пејачката додала дека ѝ било јасно дека младиот човек немал намера да ја згази, но дека најверојатно малку претерано се мрднал поради возбуда за време на настапот.
