Алек Болдвин доживеа сообраќајна несреќа во Хемптонс. Актерот се забил во дрво со автомобилот додека се возел со својот брат Стивен. Како што пренесуваат странските медиуми, за среќа, никој не е повреден.
Неверојатна драма: Полиција апсеше фудбалер во соблекувална пред почеток на натпревар од квалификациите за СП
„Ренџ rоверот“ е во сопственост на сопругата на Алек, Хиларија. „Њујорк пост“ објави видео и фотографии на кои Болдвин е на местото на настанот и разговара со полицаец и по мобилен телефон.
Алек на Инстаграм наведе дека брат му го посетил на Лонг Ајленд и дека таму го поминале викендот бидејќи гостувале на Меѓународниот филмски фестивал во Хемптонс. Тврди дека за време на возењето го претекнал човек кој возел голем камион за одвоз на отпад.
„Тој камион за одвоз на отпад беше со големина на кит. Сигурно служи за одвоз на материјал од градилиште или нешто слично. Беше тоа најголемиот камион за ѓубре што сум го видел“, рекол тој.
Понатаму наведе дека не сака да открива детали, но дека удрил во дрво откако се обидел да го заобиколи [камионот].
„Го слупав автомобилот на сопругата. Жал ми е поради тоа“, рече тој и им се заблагодарил на полициските службеници кои пристигнаа на местото на настанот.
За несреќата се огласи и сопругата на Болдвин, Хиларија. Нејзиното видео беше кратко, а во него само потврди дека сите се добро.
„Сите се добро, никој не е повреден, и тоа е најважно“, рекла таа во видеото.
Во првичниот извештај на порталот „ТМЗ“ се наведува дека разговарале со компанијата што го поседува камионот за ѓубре и дека тие тврделе оти нивниот возач не бил вклучен во несреќата. Медиумот исто така доби изјава од претставникот на Стивен. „Стивен е добро и благодарен е што никој не е повреден. Ја цени грижата и може да потврди дека тој и Алек се безбедни и добро“, стои во соопштението.
