Холивудскиот глумец Том Хенкс и неговата сопруга, глумицата Рита Вилсон, се болни од коронавирус. Хенкс се огласи на својот инстѕаграм-профил со порака со која им се заблагодарува на луѓето за поддршката што им ја даваат.
„Рита и јас сакаме да им се заблагодариме на сите коишто се грижат за нас. Имаме Ковид-19 и во изолација сме за да не заразиме никого. Во наша близина има луѓе кај кои, доколку ги заразиме, тоа би можело да помине во сериозна болест“, напиша Хенкс и додаде:
„Одиме ден по ден. Постојат работи кои сите можеме да ги направиме за да ја пребродиме оваа ситуација, така што ќе ги следиме советите на експертите и ќе се грижиме едни за други. И запомнете, и покрај сите моментни случувања, нема плачење во бејзболот.“
Хенкс рекол дека тој и Рита биле во Австралија, дека се чувствувале по малку уморни, како да имаат настинка и чувствувале болки во телото.
