Креативниот директор на продукцијата „Гранд“, Саша Поповиќ, поради повреда на ногата заврши во болница, а цело време со него е сопругата Сузана Јовановиќ.
Видно вознемирената сопруга на Поповиќ, Сузана, дала кратка изјава.
– Во болница сум со Саша, ве молам немојте сега – кратко рекла Сузана за српски „Блиц“.
Да потсетиме, како што пренесуваат српските медиуми, Саша доживеал незгода, ја скршил ногата која е во гипс до коленото.
По повод немилата случка, се огласи и „Гранд“ продукција и даде кратка информација за повредата и состојбата на Саша Поповиќ.
„Саша Поповиќ доживеа незгода, кога при паѓање на скалите ја скрши ногата. На Институтот за ортопедија „Бањица“ му беше укажана соодветна помош и му беше ставена лонгета. Тој се чувствува добро и сега е дома. Благодарност до сите за укажаната грижа“, соопштиле од „Гранд“.
Како што дознава српски „Курир“, несреќата се случила во Опатија, а во прашање е десното колено.
