Победата на Евровизија ја освоија Швајцарија и Немо Метлер со песната „The Code“, додека Србија заврши на 17. место со песната „Рамонда“ во изведба на Теја Дора.
Сега на површина испливаа резултатите од натпреварот и гласовите на публиката и сите европски земји, а таму се гледа дека само 6 земји ѝ дале поени на Србија.
Србија доби 12 поени од Хрватска, по 5 поени од Австрија, Швајцарија и Словенија, 3 поени од Малта и 2 поени од Албанија.
Веќе со месеци наназад главен фаворит беше Бејби Лазања од Хрватска со песната „Rim Tim Tagi Dim“ и беше на прво место за победа на обложувалниците, додека според предвидувањата на обложувалниците спрската претставничка Теја Дора со песната „Ramonda “ беше на 24. место .
Имено, синоќа покрај публиката гласаше и стручното жири, меѓутоа, следеше голем шок кога српската претставничка Теја Дора доби само 3 поени од хрватското жири.
Сепак, подоцна се појави список на кој се гледа дека публиката во Хрватска на Теја Дора ѝ дала 12 поени.
Инаку, Теја Дора во уметничките кругови е позната како авторка на бројни хитови, а соработувала со многу имиња од регионалната естрадна сцена.
