До крајот на 2022 година, 15.000 милионери би можеле да ја напуштат Русија, 9.500 повеќе отколку во 2019 година, додека во Украина тие би можеле да бидат 2.800. Овие бројки беа претставени во извештајот на британската консултантска фирма Henley & Partners, подвлекувајќи дека станува збор на „цунами“ на приватен капитал кој ги напушти Русија и Украина веќе во првите шест месеци од годината.
Податоците се однесуваат на луѓе со имот од најмалку еден милион долари и кои се преселиле во друга земја. Бегството на милионери од Русија е последица на инвазијата на Украина и ефектот на два фактори: санкциите што ги воведе Западот и фактот што многу од богатите граѓани му го свртеа грбот на претседателот Владимир Путин по почетокот на војната.
Експертите од лондонската консултантска фирма – која делува како посредник меѓу супер богатите и нациите што им нудат државјанство – пресметале дека околу 15% од Русите со повеќе од 1 милион долари ќе емигрираат во други земји до крајот на 2022 година.
„Во текот на изминатата деценија, богатите луѓе емигрираа од Русија во константно зголемен број секоја година, што е прв предупредувачки знак за тековните проблеми со кои се соочува земјата. Историски гледано, на големите колапси на државите обично им претходи забрзување на емиграцијата на богатите луѓе, кои честопати први заминуваат затоа што имаат средства за тоа“ – велат истражувачите.
Украина се очекува да претрпи најголема загуба на милионери во однос на нејзиното население, со 2.800 милионери кои се очекува да заминат од земјата до месец декември. Досега богатите луѓе од целиот свет се преселувале во САД и Обединетото Кралство, но во поново време се евидентира дека Обединетите Арапски Емирати сега се дестинација број еден.
Според проекциите, околу 4.000 богаташи ќе се преселат во Обединетите Арапски Емирати до крајот на годината, пред Австралија, која треба да привлече околу 3.500 богати луѓе, Сингапур (2.800) и Израел (2.500). Но, голем број милионери ќе изберат други дестинации: Малта, Маурициус и Монако.
„Малта беше една од најголемите успешни приказни во Европа во последната деценија, не само во однос на миграцијата на милионерите, туку и во однос на целокупниот раст на богатството“, истакнува шефот на истражувањето Хенри Амоилс во извештајот објавен од „Гардијан“.
Околу 300 милионери се очекува да се преселат на Малта во 2022 година. А потоа, тука е Маурициус, опишан од Хенли како „магнет за богатство“ по создавањето на меѓународен финансиски центар кој нуди значителни даночни олеснувања.
Земјата нема данок на капитална добивка, нема данок на наследство и максимална даночна стапка од 3% за светските компании. Според извештајот за богатството на Африка за 2022 година, Маурициус сега е домаќин на 4.800 милионери во споредба со 2.700 пред една деценија. Околу 150 милионери се очекува да се преселат на Маурициус во 2022 година, главно од Јужна Африка и Европа. Конечно, Монако, што не е ништо ново бидејќи долго време ги привлекува супербогатите во светот благодарение на тоа што не применува даноци на приходи, капитални добивки и данок на имот. Нешто помалку од седум од десет луѓе кои живеат во Монако се милионери.
