Рускиот заменик министер за надворешни работи Сергеј Рјабков изјави дека Русија е отворена за дијалог за Украина без предуслови. Тој ова го изјави на новинарите, а пренесува руски РИА Новости.
– Можам само да ја потврдам позицијата – отворени сме за дијалог, без предуслови“, рече тој.
Според него, Украина „го прекина дијалогот што се движеше напред“.
Претходно шефот на прес-службата на Стејт департментот Нед Прајс изјави дека САД чекаат сигнали од Русија за сериозни преговори за Украина.
Советникот за национална безбедност на претседателот на САД Џејк Саливан изјави дека Вашингтон не врши притисок врз Киев по прашањето за преговорите со Москва.
Украинскиот претседател Володимир Зеленски исто така рече дека „не ја затворил вратата“ за преговори со Русија.
Неделава Зеленски рече дека Киев е подготвен да преговара со Москва само доколку Русија исполни голем број услови, вклучително и враќање на териториите, компензација за штетите и гаранции, вклучително и спречување на повторување на непријателствата на територијата на Украина, како и мерки против воените злосторници.
