Една од најпознатите трудници во светот, музичарката Ријана, за Вог ги откри деталите од врската со раперот ASAP Роки. Имено, пејачката призна дека на самиот почеток го гледала раперот со кој сега го очекува своето прво дете, исклучиво како пријател, пишува Глорија.
View this post on Instagram
„Кога некој е во мојата пријателска зона, многу му е тешко да излезе од неа“, призна таа.
Пејачката се присети и на нивниот заеднички настап во 2012 година на доделувањето на МТВ наградите на Ем-Ти-Ви, кога нејзиното сегашно момче ја фати за задникот среде настап.
„Ме фати за задник на сцената, но тоа не беше дел од договорениот настап“, се сеќава таа за Vogue, додавајќи дека нејзиниот тим бил бесен поради овој потег на раперот, но таа одлучила дека нема да реагира.
Работите меѓу Ријана и раперот од Харлем станаа посериозни во 2020 година кога пандемија го опустоши светот. Парот патувал со туристички автобус од Лос Анџелес до Њујорк, а токму овој настан одлучил долгогодишните пријатели да станат љубовници.
„Тој стана мое семејство во тоа време“, рече таа, а исто така откри и како изгледал моментот кога ASAP ја запознала нејзината мајка.
„Иако е навистина тешко да се импресионира мајка ми, таа веднаш го прегрна. Одлично ги чита луѓето, не сака да ги погледне ниту денес некои од момците со кои излегував, а тој ја шармираше додека да трепнеш“ изјави пејачката која моментално е бремена.
