Владимир Путин одржа прес-конференција по неговата посета на самитот на ЕАЕУ во Киргистан. Рускиот претседател, меѓу другото (казната на политичарот Илја Јашин, ситуацијата во Украина, можноста за нова мобилизација, размената на Бут за Грајнер и контактите со САД) бил прашан и за прашан за зборовите на поранешната канцеларка на Германија Ангела Меркел.
– Зборовите на поранешната германска канцеларка Ангела Меркел дека договорите од Минск се потпишани за да и се овозможи на Украина „да купи драгоцено време и да стане посилна“ ја доведуваат во прашање можната доверба меѓу Русија и Западот, рече Путин, пренсеуваат руските медиуми.
„Ова е разочарувачки. Искрено, не очекував да го слушнам ова од поранешниата канцеларка. Затоа што секогаш претпоставував дека раководството на ФРГ се однесува искрено кон нас. Сега, се разбира, тука е прашањето на довербата. И така, довербата, се разбира, е речиси на нула, но по изјавите од ваков вид, се разбира, се поставува прашањето: како да се преговара за нешто? И дали е можно да се преговара со некого? А каде се гаранциите? Ова, се разбира, е прашањето“, рече рускиот претседател.
Во исто време, тој изрази уверување дека западните земји во секој случај ќе мора да преговараат со Москва. И Русија е подготвена за такви договори, отворена за нив, додач Путин.
