23.8 C
Скопје
14:25 - 29 март, 2024

Првата жена која насликала гол маж: Леонор Фини, надреалистка која го инспирирала Диор

Леонор Фини, кралицата на парискиот боемски живот, била постојано присутна во весниците поради своите слики, илустрации и театарски дела, но и поради животниот стил.

Родена е во 1907 година во Буенос Аирес, а израснала во Трст, Италија.Уште како мала знаела дека сака да се занимава со уметност. Поради непристојно однесување била исфрлена од три училишта, а уште од дете го истражувала односот кон смртта и одела во мртовечници за да ги набљудува телата.

 

View this post on Instagram

 

A post shared by Leonor Fini (@_leonorfini_)

На 17 години заминала на студии во Милано но се вљубила во италијанскиот принц Лоренцо и наскоро му се придружува во Париз со намера да се омажи за него. Бидејќи љубовната приказна меѓу нив немала среќен крај, Леонор останала во Париз, а Лоренцо се вратил во Милано.

Како амбициозна 24-годишна девојка, набргу влегла во парискиот круг на уметници, и станала неизбежен гостин на забавите и приватните изложби на парискиот круг. Се дружела со Елијар, Пикасо, Ернст, Картие, Бресон и Дали.

Првата изложба ја одржала во галеријата што ја водел Кристијан Диор, пред да се преориентира кон модата. Критиката добро ја прифатила и оваа и следните нејзини изложби. Нејзините две слики во 1936 година се прикажани на изложбата на надреалистите во Лондон и веднаш предизвикале скандал. На сликите се прикажани млади жени во бизарен и полуеротски ритуал.

 

View this post on Instagram

 

A post shared by Leonor Fini (@_leonorfini_)

Во 1942 година насликала гол маж, кој воедно е и првиот таков акт насликан од женска рака. И во реалниот живот Леонор ги преминувала границите. Сама зборувала дека речиси никогаш не живеела само со една личност и дека повеќе сакала некој вид комуна, во својот дом полн со мачки, кои исто така ѝ биле опсесија, и во друштво со своите пријатели, еден маж што ѝ бил повеќе љубовник и втор што ѝ бил повеќе пријател.

По војната живеела со двајца италијански аристократи и 17 мачки во дворец во кој создала малку морничава атмосфера, со драперии, костури, кукли, ориентални килими и театарски костуми што ги креирала. И сама се облекувала необично, или многу удобно, со подигната или со распуштена коса.
Знаела да привлече внимание каде и да се појави, па дури и така што косата ќе ја обоела во сино, зелено, златно или така што на некоја забава ќе се појавела облечена само во бели пердуви и чизми.

 

View this post on Instagram

 

A post shared by Leonor Fini (@_leonorfini_)

Во текот на животот постигнала и голем меѓународен успех, изложувала насекаде во светот. Починала во Париз во 1996 година.

 

View this post on Instagram

 

A post shared by Leonor Fini (@_leonorfini_)

Слични објави

(Фото) Јована Јеремиќ гордо го покажа скапиот прстен што го доби од Драган и објасни како го добива она што го сака

К. А.

(Видео) Прекинат концертот на Александра Пријовиќ во Бања Лука, пејачката веднаш реагираше

Еспресо

Се нижат смешни коментари за разводите на Драгана Мирковиќ и на Харис Џиновиќ: „Зорица и Кемиш ни се последна надеж“

еспресо

Змијанац го коментира разводот на Харис Џиновиќ: „Не знам зошто сите полудеа, разводот е зло“

еспресо

Шокантни детали за Шарлин и Алберт од Монако: Таа троши како луда, а тој ги плаќа и љубовниците

еспресо

Астропрогноза за петок, 29 март: На Бикот ќе му се врати старата љубов, Лавовите ќе бидат кралеви на денот

еспресо
Се вчитува....