Кралското семејство поседува некои од најскапите и најгламурозните парчиња накит, вклучувајќи ги и часовниците. Но, принцот Вилијам е верен само на еден часовник што го носи долги години. Зад сè е сентиментална приказна.
Иако принцот Вилијам, чие лично богатство се проценува на 30 милиони фунти, сигурно може да си дозволи секаков часовник, тој остана верен само на еден часовник, без кој едвај можевме да го забележиме во последните речиси 30 години.
Станува збор за модел на Omega Seamaster Professional кој му го подарила неговата мајка, принцезата Дијана, пред да загине во трагичната несреќа во 1997 година.
Дијана на својот син му го подарила часовникот кога тој бил уште многу мал. Кога Дијана починала, Вилијам имал само 15 години и оттогаш го носи часовникот како спомен на неговата мајка.
Quartz 300M е изработен од нерѓосувачки челик, има син бројчаник, покриен е со сафирно стакло и е отпорен на гребаници. Слични верзии на овој бренд се исклучително популарни на денешниот пазар.
Истиот модел го носеше и актерот Пирс Броснан, олицетворувајќи го легендарниот Џејмс Бонд, а се верува дека неговата цена е околу 3.000 фунти.
Вилијам ретко се појавува во јавноста без овој посебен детаљ, а подарокот на мајка си го носеше на денот на венчавката со Кејт Мидлтон, за време на неговите кралски турнеи и на сите други важни настани.
