Принцот Хари немал време да се прости од својата баба Елизабета Втора и дознал за нејзината смрт од објави на социјалните мрежи, пишува „пејџ сикс“, повикувајќи се на бројни извори блиски до Бакингемската палата.
Според упатените, принцот Хари бил повикан на шкотскиот имот Балморал од Чарлс III утрото на 8 септември. Кога војводата од Сасекс слетал на аеродромот во близина на Единбург, од Интернет дознал дека неговата баба починала.
Ниту еден од членовите на кралското семејство не му телефонирале на Хари за да го известат за смртта на кралицата.
Принцот Хари пристигна во Балморал неколку часа по нејзината смрт.
Кралицата Елизабета Втора беше погребана во капелата Свети Џорџ на 19 септември. На погребната церемонија присуствуваа и принцот Хари со Меган Маркл, како и неговиот брат, принцот Вилијам од Велс со принцезата Кејт Мидлтон.
