Принцот Хари е во нова бура за неговата „работа“ во BetterUp, вработените се револтирани и велат дека неговата улога е „ветар и магла“.
Принцот Хари го зафати нова бура. Овој пат не се работи за благородни спорови и кралски бонтон. Сега, откако започна нов живот како „обичен“ човек, се најде во центарот на озборувањата поради неговиот ангажман во BetterUp. Да, токму од оваа компанија тој заработува, а „вработен“ е како еден од директорите. Бетер Ап е инаку компанија од Сан Франциско која мотивирачки им помага на луѓето и компаниите кои западнале во деловни проблеми. Компанијата за која станува збор се заснова на ефективна и континуирана работа на речиси 2 илјади „лајф коучинг“ тренери. Овие вработени, сепак, веќе неколку недели се прилично лути што највисокото раководство предложи намалување за една третина од нивната плата! Додека за повисоките ешалони на BetterUp ни цент не е доведен во прашање. Накратко, класична и вечна борба во општеството меѓу експлоататорите и експлоатираните. Само што овој пат поранешниот војвода од Сасекс е на мета на критиките на вработените кои сакаат да им одземат третина од платата.
Според она што го пренесуваат таблоидите, незадоволството кон Хари изгледа опипливо. Неколку вработени зборуваат за неговата улога на „ветар и магла“, во смисла дека тој ништо не придонесува во компанијата, а само се појавува на понекој јавен репрезентативен настан.
Работниците на кои им се скратува платата сега зборуваат за „сомнителна деловна етика“ (точно од страна на оние кои треба да им помогнат на работниците и компаниите во тешкотии) и за „подмолно кратење на платите“.
Лидерите на BetterUp пред извесен период (во овие мигови „Сан“ објави дека одбиле да одговорат на прашањата што им ги поставиле во врска со тоа) ја дефинираа улогата на Хари како „човек од клучна важност за максимизирање на човечкиот потенцијал во светот“. За Хари, сепак, ова е прва „работа“ во животот откако се откажа од кнежевската облека.
