Според „Блумберг“, принцот Хари планира да сними подкаст со Владимир Путин и Доналд Трамп за нивното детство. Идејата наводно војводите од Сасекс ја разработиле заедно и веруваат дека ќе има голема гледаност.
Принцот Хари планира да сними серија подкасти со луѓе од висок профил, во кои сака да разговара со славните лица за нивното детство.
Авторот на написот тврди дека принцот Хари веќе одржал неколку состаноци со продуценти и продукциски куќи, на кои се разговарало за идејата за серијата подкасти, но за сега, ниту едно интервју конкретно не е договорени.
На листата на војвода од Сасекс, со најголем приоритет, се неговите евентуални гости рускиот претседател Владимир Путин, медиумскиот магнат Марк Цукерберг и поранешниот американски претседател Доналд Трамп од кои сака да „извлече“ интересни пикантерии за детските искуства и како тие понатаму влијаеле на нивниот живот.
„Практичноста на оваа идеја на Хари во најдобар случај изгледа сомнителна, имајќи предвид дека луѓето како Путин и Цукерберг ретко даваат опширни интервјуа за теми кои не се во доменот на нивниот интерес, а камоли да зборуваат отворено за нивното воспитување и трауми од детството“, смета новинарката на Блумберг, Ешли Карман.
Според Карман, Хари на продуцентите им приложил и други подкасти, серија за татковството, како и подкаст во кој би се дискутирале општествени прашања, од климатските промени до религијата.
Потсетуваме дека неодамна беше објавено дека принцот Хари и Меган Маркл го раскинаа договорот со Spotify од 20 милиони долари.
