Пејачот Харис Џиновиќ присуствуваше на свечена вечера во Белград и за тамошните медиуми зборуваше за својот љубовен живот. Имено, Харис се разведе од сопругата Мелина минатата година по 22 години брак, а по разводот, тие не останаа во добри односи.
Иако ретко зборува за својот приватен живот, сега им призна на српските медиуми дали има нова жена во неговиот живот.
„Постои една жена, но нема жена што ми ги прави очите да светкаат. Ниту една не успеала да ми го освои срцето досега“, рекол тој.
Сепак, и покрај разводот и фактот дека сè уште не ја пронашол љубовта, музичарот не ја криеше насмевката на лицето.
Неодамна, музичарот призна дека сака повторно да се заљуби, но и дека има посебни барања за својата идна партнерка.
„Сега сум слободен човек. Емоционално достапен. Таа мора да биде нормална! Мора да има совест, да има толеранција, да биде вредна. Љубовта може да биде и допир на раката, а кога ќе заврши во кревет… Жените мора да имаат став. Сите луѓе треба да имаат став“, изјавил претходно за српските медиуми.
Џиновиќ официјално се разведе од Мелина во март 2024 година, а во тоа време и остро ја критикуваше. Мелина не се појави на суд тој ден, а нејзиниот поранешен сопруг рече дека таа се дружела со жени со сомнителен морал и минато.
