Започнавме убава соработка со една врвна готвачка која секое јадење го претвара во магија од вкусови – Теодора Георгиевска.
Оваа извонредна мајсторка и една од највлијателните готвачки на социјалните мрежи кај нас, стои зад бројните рецепти кои ги објавува на профилот „Готвиме со Теа“ – „gotvime.so.tea“.
ДЕНЕС ТЕА СО СИТЕ ВАС СПОДЕЛУВА РЕЦЕПТ за здрава и посна пица – со леќа!
– Не знам за вас, ама јас обожавам пица – открива Теа и додава – иако звучи чудно пица од леќа, оваа здрава и посна варијанта на пица има интересен и специфичен вкус. Одлична е за сите кои сакаат пица, а не сакаат да јадат тесто!
Потребни состојки:
За тесто:
150 гр. црвена леќа120 мл. вода1 чешне лук1/2 лажичка прашок за пецивопрстофат солЗа сос од домати:
1 главица кромид1 чешне лук300 гр. доматно пире1 лажичка оригано1 лажичка босилек1/2 лажичка шеќер1/2 лажичка сол2 лажици маслоЗа врз пицата:
црвена пиперказелена пиперкатиквичкамодар доматцрвен кромидсвежи печуркиНачин на подготовка:
Леќата ставете ја во вода да кисне од вечер. Изутрина процедете ја, измијте ја и ставете ја во блендер заедно со водата, лукчето, прашокот за пециво и сол. Убаво изблендирајте и оваа смеса ставете ја во загреано и намрсено тавче за палачинки. Пржете на тивок оган додека да почнат да се запекуваат краевите на тестото. Потоа префрлете го на мрсна хартија во тавче и ставете го да се пече во загреана рерна на 180 степени 30 минути.
Во меѓувреме, подгответе го сосот од домати. Во тенџере ставете го маслото да се загрева. Ставете ги кромидот и лукчето ситно исецкани да се пржат 2-3 минути и потоа додадете го доматното пире. Посолете, додадете ги шеќерот, ориганото и босилекот и оставете го да крчка на тивок оган 10 минути.
Откако ќе биде готово тестото, извадете го од рерна, наредете го со сос од домати, ситно исецкани тиквички и модар домат, кромид, пиперки и печурки и вратете ја да се пече уште 10-15 минути на 250 степени.
По желба на крај може да изрендате малку пармезан – предлага Теа.
На здравје и уживајте!
