Фил Колинс повеќе нема да изведува концерти во живо, пренесува Мирор неколку часа по настапот со „Генесис“ во арената во Лондон. Легендарниот 71-годишен лондонски пејач и тапанар повеќе не може да свири поради операција на грбот, објасни британскиот таблоид.
Колинс, кој се пошегува на обожавателите дека сега ќе мора да најде „вистинска работа“, го одржа својот последен концер, настапувајќи седечки. Колинс изгледал слаб и уморен, а не можел на бината да стои и покрај тоа што употребува бастун.
Во интервју за Би-Би-Си, тој ги кажа своите фрустрации предизвикани од болеста и сонот да настапи со својот син Николас: „Би сакал да настапам со него на сцената, но едвај држам бастун во раката“, признал тој.
Колинс ја започна својата кариера во 1970-тите со Genesis како тапанар, како вокал на групата кога Питер Габриел замина во 1975 година.
Физичките маки на пејачот датираат од 2009 година кога несреќно ги згмечил пршлените на рбетот. Последователните операции не ја подобрија ситуацијата, туку предизвикаа оштетување на нервите. Згора на тоа, на музичарот му се појавија и проблеми со дијабетесот и пад при кој незгодно ја повреди главата во 2017 година.
