– Во текот на новата седмица која што ни претстои, времето во Македонија и понатаму ќе биде променливо облачно, но со сончеви периоди. Локално и повремено ќе има развој на нестабилна облачност, проследена со краткотраен пороен дожд, грмежи и засилен ветер во зоната на нестабилност. Локално процесите ќе бидат поинтензивни и застапени во форма на краткотрајно невреме.
И во делови од Скопската котлина повремено ќе има услови за развој на нестабилност, проследена со краткотраен пороен дожд, грмежи и засилен ветер.
Наутро температурите нема многу да се менуваат во споредба со сегашните, максималните дневни температури на воздухот пак и понатаму ќе бидат натпросечно високи, и ќе се искачуваат во интервалот од 25 до 32 степени.
Ув индексот ќе има умерено висока вредност и ќе има коефициент помеѓу 5 и 6.
Барем според моменталните анализи со кој располагаме, пад на температурите на воздухот кај на се очекува од 25 септември па натаму, односно од следниот понеделник – вели метеопрогнозерот Славчо Попоски.
За нови, детални и по потреба обновени метео информации, следете го официјалниот фејсбук профил на Славчо Попоски тука!
