– Во следните часови, како и утре на повеќе места низ Македонија ќе има ИНТЕНЗИВНИ врнежи од дожд, проследени со грмежи и засилен ветер. Ова е поради влијанието на циклонот од запад.
Локално се очекува да наврне ГОЛЕМО количество на воден талог (дури над 25 л/м2 за 24 часа). Можни се нови локални ПОПЛАВИ.
Поради интензивните врнежи, можно е излевање на некои од помалите реки низ Македонија, и истите би можело да создаваат проблеми во населените места. За време на викендот пак врнежите ќе бидат локални и послаби, а ќе дува и ЗАСИЛЕН ветер од северен правец.
Во Скопје и околината исто така очекуваме ПОИНТЕНЗИВНИ врнежи.
Од понеделник КОНЕЧНО можеме да очекуваме и постабилно време, со повеќе сонце. Исто така следната седмица територијата на Македонија, како и целиот регион ќе биде под влијание на првиот ПОИЗРАЗЕН ТОПЛОТЕН Африкански бран, што значи ќе имаме ВИСТИНСКО ЛЕТО и ГОЛЕМ ПОРАСТ на температурите (над 30 степени на повеќе места).
За нови, детални и по потреба обновени метео информации, следете го официјалниот фејсбук профил на Славчо Попоски тука!
