– Тропскиот бран продолува и понатаму во Македонија. Температурите ќе се искачуваат во интервалот од 32 до 39 степени. Сепак денес попладне и навечер на повеќе места ќе биде нестаблно со пороен дожд, грмежи и засилен ветер.
Локално ќе има услови и за појава на НЕВРЕМЕ, проследено со интензивен пороен дожд, силен ветер, силни и чести електрични празнења и со појава на град. Потоа во следните денови и покрај сончевото и МНОГУ ТОПЛО време, во попладневните и во вечерните часови ќе има услови за изолирана нестабилност, проследена со пороен дожд, грмежи и засилен ветер. И во Скопскиот регион се очекува слично време, со услови за попладневна нестабилност и тоа особено денес кога повторно е можно локално невреме – вели метео прогнозерот Славчо Попоски.
