Дури два милиони луѓе пристигнаа на плажата Копакабана во Рио де Жанеиро во саботата навечер за да го слушнат бесплатниот концерт на Шакира, потврди тамошниот градоначалник.
Толпи луѓе почнаа да се слеваат на плажата уште во саботата наутро за да заземат добро место за концертот. Улични продавачи продаваа варена пченка и други бразилски закуски, флаширана вода и каипирињи, популарниот бразилски коктел, но и тоалетна хартија, дезодоранси, па дури и вреќи со песок на кои посетителите можеа да застанат за подобар поглед кон сцената поставена спроти Copacabana Palace, историски луксузен хотел.
🚨🇧🇷 Shakira’s 2 million person Copacabana concert tonight: completely free!
That’s how you break attendance records🔥pic.twitter.com/ffiZZLxkJL https://t.co/CF9LtEoRh0
— Mario Nawfal (@MarioNawfal) May 3, 2026
Настапот на Шакира би можел да генерира околу 777 милиони реали (околу 155 милиони долари), според студија на Градското собрание и Riotur, градската туристичка компанија, благодарение на приливот на туристи и потрошените пари во ресторани, хотели и продавници.
Во пресрет на настапот, пејачката од балкон ја набљудуваше масата што се собираше – во целосно неверување.
🚨🇧🇷 TV Globo says more than 2 million people are at the Shakira concert on Copacabana Beach.
Aerial footage barely captures it.
Brazil is operating on a different scale… the beach has officially become its own metropolis for the night.pic.twitter.com/FhSzHrIRIH https://t.co/VXZhROVREk
— Mario Nawfal (@MarioNawfal) May 3, 2026
Нејзиниот настап на една од најпознатите светски плажи следуваше откако огромна маса луѓе дојде да ја гледа Мадона пред две години, а лани и Лејди Гага. За Шакира, ова беше дел од нејзината светска турнеја „Las Mujeres Ya No Lloran“ или „Жените веќе не плачат“, именувана по нејзиниот албум од 2024 година.
View this post on Instagram
Концертот започна околу 23 часот, повеќе од еден час по предвидениот почеток, а публиката возбудено ја чекаше пејачката со овации и аплаузи. Дронови летаа над огромната маса на брегот, испишувајќи на небото порака на португалски: „Те сакам, Бразил“.
Шакира со љубов зборуваше за своето прво доаѓање во Бразил, пред околу три децении: „Дојдов овде на 18 години, сонувајќи да пеам за вас. А сега погледнете го ова. Животот е магичен.“ Суперѕвездата ја воодушеви и разигра публиката со своите хитови како „Hips Don’t Lie“, „La Tortura“ и „La Bicicleta“. Настапот го заврши со песната „BZRP Music Sessions #53/66“, создадена по раскинувањето со шпанскиот фудбалер Жерар Пике.
View this post on Instagram
