Турскиот глумец Кенан Имирзалиоглу кој се прослави со улогата во култната серија „Езел“ и неговата сопруга Синем Кобал важат за еден од најскладните парови на турската јавна сцена, а повторно го привлекоа вниманието на јавноста откако актерката сподели трогателен спомен од првите денови од нивниот заеднички живот.
Она што многумина не го знаеле е дека Кенан Имирзалиоглу ништо не препуштил на случајноста кога решил да ја запроси својата колешка. Запросувањето се случило на исклучително симболичен датум – точно една година откако првпат ѝ ги кажал зборовите дека се вљубил во неа.
Синем Кобал искрено зборуваше за тоа што ја прави нивната врска посебна. „Навистина е голема среќа да ја пронајдеш сродната душа во животот, и двајцата бевме подготвени целосно да му се посветиме на овој брак“, изјавила актерката. Парот се венчал во 2016 година, а во октомври 2020 година ја добиле ќерката Лалин.
Приватноста како привилегија
И покрај огромната слава, Кенан и неговата сопруга успеваат да ја задржат интимата далеку од очите на јавноста, што денес ги прави уште поинтересни. Кенан Имирзалиоглу по последната серија во 2018 година се повлече од телевизиските екрани, но токму таа мистериозност и понатаму ја држи публиката заинтересирана.
View this post on Instagram
