Пред нешто повеќе од една година му беше дијагностициран тумор на мозокот. „Никогаш не мислиш дека тоа може да ти се случи тебе“, коментираше уметникот за Мирор. Остави две многу мали деца. Имаше само 33 години.
Том Паркер не успеа. Пејачот на бој бендот The Wanted почина на 33 години, од тумор на мозокот. Тоа го потврди неговата сопруга Келси, со која Паркер имаше две деца, Аурелија (2-годишна возраст) и Боди (1-годишна возраст).
„Со скршено срце морам да потврдам дека Том мирно не напушти рано утрово, придружуван од љубовта на неговото семејство кое никогаш не го остави сам“, изјави Келси Паркер. „Ние сме скршени. Том беше центарот на нашиот свет и не можеме ни да замислиме каков би можел да биде животот без неговата заразна насмевка и виталност“.
View this post on Instagram
Лекарите му ја дијагностицирале болеста пред нешто повеќе од една година кога неговата сопруга Келси го чекала нивното второ дете.
„Знаев дека веројатно нешто не е во ред, но никогаш не очекував такво нешто“, коментираше пејачот во разговор за Мирор по резултатите од медицинските тестови. „Никогаш не мислиш дека тоа може да ти се случи тебе“.
Неодамна толку ослабна што можеше да се движи само во инвалидска количка, но „до крај се бореше со болеста“, рече неговата сопруга. Таа потоа им се заблагодари на сите за блискоста и поддршката добиена во последниве месеци и во овој тежок момент: „Благодарна сум на сите вас“, заклучи , „и ве молам да останете обединети за светлината на Том да продолжи да ги осветлува неговите прекрасни деца “.
