Леа Плут, модел и поранешна натпреварувачка на популарното кулинарско шоу „Мастершеф“, почина на 38-годишна возраст, а тажната вест ја соопшти нејзиниот партнер, познатиот фотограф Саша Капетановиќ.
Познатиот фотограф бил со Леа до последен момент.
Саша и Леа беа во љубов 16 години, а колку се сакаа сведочат нивните заеднички објави на социјалната мрежа Инстаграм.
„Љубов моја, чекај ме каде и да си“, напиша потресни зборови Саша Капетановиќ во објавата на Инстаграм заедно со нивните заеднички фотографии и видеа.
View this post on Instagram
Леа зад себе остави и две ќерки кои ги доби од големата љубов со Саша.
Кога ја прославувале својата прва деценија љубов, манекенката напишала:
– Зарем веќе? Колку брзо поминува времето кога добро се забавувате. Не сме толку врзани за состаноци, повеќе за спомени. Сепак, мислам дека овој настан ќе го одбележиме со патување – напишала тогаш Леа.
Веста за смртта на младата Леа ги изненади сите во Словенија, а од убавата манекенка преку социјалните мрежи се збогуваат многу познати личности.
На само 20 години, во 2006 година, Леа Плут ја освои титулата словенечки супермодел и ја продолжи својата манекенска кариера. Леа работеше со светски познати брендови, пренесува српски „Телеграф“.
Таа беше љубителка на готвењето, поради што се пријави за третата сезона на популарното шоу за готвење „Мастершеф“ во 2017 година.
