Шведскиот великан Макс фон Сидов почина во својот дом во Франција на 90-годишна возраст. Веста денес ја потврди неговиот менаџер Џин Дајмонд.
Глумецот своето филмско деби го имаше во 1949 година, а оттогаш ужива во богатата холивудска кариера.
Во 2015 година се придружи во екипата на филмот „Војна на ѕвездите: Будење на силата“, а следната година како троокиот гавран во „Играта на престолите“.
„Со скршени срца и бескрајна тага го објавуваме заминувањето на Макс фон Сидов на 8 март 2020 година“, изјавил неговиот менаџер.
Во текот на неговата долгогодишна кариера тој двапати беше номиниран за Оскар, вклучувајќи ја и номинацијата за најдобар глумец во 1988 година за филмот „Пеле освојувачот“.
Фон Сидов сними 11 филмови со Ингмар Бергман, вклучувајќи го и „Седмиот печат“, во кој фамозно играше шах со смртта.
Се појави и во „Флеш Гордон“, во „Шатер ајсланд“ на Скорсезе, а го позајми гласот за „Симпсонови“ и се појави во три епизоди во „Игра на тронови“ во 2016 година.
„Макс фон Сидов, икона во кината седум децении, се чини како отсекогаш да беше со нас“, напиша режисерот Едгар Рајт на Твитер оддавајќи му почит на легендарниот глумец.
Актерот има два сина со првата сопругата Кристина Инга Олин. Во 1997 година се ожени со Кетрин Брелет во Прованса и стана граѓанин на Франција пет години подоцна.
