Марк Марголис, легендарен по улогите на наркодилерот Хектор Саламанка во „Breaking Bad“ и „Better Call’s Saul“, почина на 83-годишна возраст по кратко боледување, оставајќи празнина во светот на шоубизнисот. Веста ја сподели неговиот син Морган Марголис. Кратката болест со која се борел Марголис, не беше откриена во соопштението за јавност.
Марголис го отелотвори застрашувачкиот Хектор Саламанка, чија тишина зборуваше многу. И покрај минималниот дијалог, неговиот портрет остави неизбришлив впечаток. Неговата изведба во „Breaking Bad“ дури му донесе номинација за Еми во 2012 година. Како Хектор Саламанка, тој ја продолжи улогата во „Better Call’s Saul“, збогатувајќи го ликот со длабока приказна во текот на пет сезони.
We join millions of fans in mourning the passing of the immensely talented Mark Margolis, who – with his eyes, a bell, and very few words – turned Hector Salamanca into one of the most unforgettable characters in the history of television. He will be missed. pic.twitter.com/XJ1yagO8Z3
— Better Call Saul (@BetterCallSaul) August 4, 2023
Роден во 1939 година во Филаделфија, Марголис на млада возраст ја следеше својата страст за глума во Њујорк. Неговите почетоци во театарот му го отворија патот за улогите на Бродвеј, вклучувајќи го и „Infidel Caesar.“. Неговиот кинематографски пробив дојде со култната класика на Брајан Де Палма „Scarface“, каде што го портретираше застрашувачкиот негативец Алберто, познат како „Сенката“.
Во текот на неговата долга кариера, тој тесно соработуваше со Дарен Аронофски, збогатувајќи ги филмовите како „Ное“, „Црниот лебед“, „The Wrestler“ и „Пи“, остварувајќи над 70 неверојатни улоги во петдецениската кариера.
Absolutely devastated to hear that we’ve lost Mark Margolis. Mark was brilliant, funny, a raconteur with a million stories. I miss him already.
— Peter Gould (@petergould) August 4, 2023
Покрај неговите легендарни филмски улоги, Марголис имаше разновидна ТВ кариера. Тој остави свој белег во сериите како што се „Еквилајзер“, „Оз“, „Кралеви“ и „Американска хорор приказна: Азил“. Значајните гостувања во „Californication“, „Gotham“, „Crossing Jordan“ и „The Affair“ ја покажаа неговата сестраност.
Менаџерот на Марголис, Роберт Колкер, ја истакна неговата уникатност, со зборовите: „Тој беше единствен. Тој беше драгоцен клиент и доживотен пријател. Имав среќа што го познавам“.
Со смртта на Марк Марголис, филмската индустрија загуби талент кој им вдахна живот на ликови со длабочина и ширина, оставајќи зад себе наследство кое ќе се памети со години.
R.I.P. Mark Margolis, a character actor I always loved seeing, absolutely perfect as Hector Salamanca, and wonderful to see pop up in De Palma and Aronofsky movies, plus dozens more. pic.twitter.com/WC1oamcue2
— William Friedkin Truths (@LazlosGhost) August 4, 2023
