Шпанскиот оперски пејач Пласидо Доминго (79) итно е префрлен во болница откако здравствената состојба му се влошила една недела откако дознал дека заболел од опасниот коронавирус.
На Доминго нагло му се слошило, а за да биде под постојана контрола на докторите, префрлен е во болница во познатото мексиканско летувалиште Акапулко.
Тој моментално е во стабилна состојба, а успеал да ја преброди најкритичната фаза од вирусот и како што пишуваат шопанските медиуми, сега успешно се опоравува.
Доминго во неделата на својот Фејсбук профил објави дека е заразен со коронавирус.
– Чувствувам дека е моја морална обврска да пријавам дека сум позитивен за Ковид-19, познат и како коронавирус. Јас и моето семејство сме изолирани и ќе останеме вака онолку време колку што медицински е потребно – напиша тој на Фејсбук.
– Сите сме моментно добро, но кашлам и имам треска што ме натера да одлучам да тестирам и резултатот беше позитивен. Ве молам сите да бидете крајно внимателни и да ги следите препораките на здравствената служба – додаде тој.
