Очајувањето на авганистанското население откако Талибанците ја презедоа власта е повеќе од јасно од зборовите на една млада девојка од Авганистан, која објави видео на интернет.
“We don’t count because we’re from Afghanistan. We’ll die slowly in history”
Tears of a hopeless Afghan girl whose future is getting shattered as the Taliban advance in the country.
My heart breaks for women of Afghanistan. The world has failed them. History will write this. pic.twitter.com/i56trtmQtF
— Masih Alinejad 🏳️ (@AlinejadMasih) August 13, 2021
„Немаме вредност затоа што сме родени во Авганистан. Никој не се грижи за нас, полека ќе умреме во историјата…“. Ова се зборовите на девојката, изговорени низ плач и во очај.
Името на младата жена не е познато, но таа најверојатно припаѓа на таканаречената „генерација З“, возрасна група која никогаш не ги видела Талибанците на власт во животот и која пораснала во сега поранешната авганистанска република -од вчера, талибанското знаме е поставено на претседателската палата.
По бегството во странство на претседателот Ашраф Гани, Талибанците официјално го прогласија новиот режим, всушност го сменија името на земјата – Исламски емират на Авганистан.
Во главниот град Кабул веќе имаше престрелки, смртни случаи и повредени, но со најголемата опасност се соочија сите мажи и жени кои соработувале со западната коалиција во изминатите две децении. За нив се стравува дека би можеле да станат жртви на насилни одмазди.
