Како по правило, колку повеќе јавните личности го кријат својот приватен живот, толку повеќе јавноста сака да го знае секој детал за нив.
Тоа го доживеаја и Петар Грашо и Хана Хуљиќ. Иако од почетокот се трудеа да ја задржат љубовта само за себе, не успеаја.
„Ако има двајца луѓе кои сакаат помалку да се експонираат надвор од нивната работа, тогаш тоа сме Хана и јас. Медиумите само си ја вршеа својата работа, јас не сум дипломат, но разговарав со некои мои пријатели новинари и реков „луѓе, што веќе?, а тие велат „вашата вест има најмногу кликови“, открил Грашо објаснувајќи како се чувствува додека ги читал вестите за себе.
„Иако медиумите пишуваа многу убаво и правилно, ние навистина сакавме да се венчаме само во кругот на пријателите“, рекол пејачот и признал дека тој и Хана направиле грешка – колку повеќе се криеле, толку биле поинтересни за јавноста. .
„Мислев дека ќе се прошетаме низ градот фатени за раце, но видов толку многу новинари и фотографи како снимаат што навистина помислив дека тоа е некаква скриена камера“, изјавил пејачот, а потоа го открил и својот став за презимето кое жената одбира да го преземе или не од сопругот кога ќе се омажи за него.
„Никогаш не сум му робувал на тој мачо став дека жената треба да го носи само презимето на сопругот, ние живееме еден изненадувачки лежерен живот“, открил тој. За овие негови зборови сведочи и фактот што Хана го задржа моминското презиме и го додаде презимето Грашо.
