Српската фолк пејачка Светлана Цеца Ражнатовиќ е горда баба на три внуци кои ѝ ги роди нејзината снаа Богдана Ражнатовиќ.
Сопругата на Вељко е во одлични односи со Цеца, а пејачката своевремено откри што ѝ рекла во една прилика.
– Јас ѝ реков на Богдана: „Печена си да бидеш лоша свекрва, три сина имаш“, а таа ми одговори: „Не сакам да бидам лоша свекрва, како ти не си лоша свекрва!“.
– Јас ѝ одговарам: „Јас имам еден син, имам и ќерка, а ти имаш три сина. А мојата Лидија беше на сериозен пат да биде зла свекрва, но Господ ѝ рече: „Па, добро, прво ќе родиш ќерка“ – рекла Цеца во текот на снимањето на емисијата „Ѕвездите на Гранд“, а снимката се појави на социјалните мрежи.
Инаку, Цеца во неколку наврати потенцирала колку добри односи има со снаата, а доказ за тоа е и што во неколку наврати заедно сами оделе на патувања.
Неодамна заедно отишле и на настапот на Цеца во Штутгарт.
Вељко често нагласува дека сака многучлено семејство и дека отсекогаш сонувал за тоа, а неодамна откри дека тој и Богдана можеби ќе добијат уште едно дете. Тој не крие дека би сакал покрај Жељко, Крстан и Исаја во домот да им пристигне и едно девојче.
– Се надевам четвртото… Мислам, сега ќе паузираме затоа што сме во тотално лудило. Но, навистина се надевам дека четвртото дете ќе биде девојче и дека ќе биде најмладата принцеза на тато. Ќе има и некоја разлика меѓу сите нив и така – изјавил Вељко.
Исто како и Вељко, и Цеца признава дека внука би ја израдувало.
– Нема ништо поубаво што може да му се случи на човек. Што е Божја волја, тоа ќе биде. Би било убаво да имаат девојче – рекла таа.
